|
Abya Yala mama llaktapak pueblos indígenas Wankuri pushaymanta kay VI FSM shinallatak II FSA riksichin: allpamanta,mujunkunamanta,militares awkakuna mama llaktakunapi tiyarimanta,kikin pushaykunamanta.
Humberto Cholango ECUARUNARI Shinallatak Abya Yala mama llaktakunapak wankurimanta pushak kallarichipi nirkami pueblos indígenas mana kay shina jatun wankurikunamanta anchurinachu kan, kay foro social mundial,foro social de las americas kay wankurikunami ñukanchik kawsaymanta rimankunapak kan,pichka patsak chunka kinsa watakunata kichushkuna rimayta, yachayta, chaymi kay ankurikunapika ñukanchik kikin yuyaykunawan.kikin rimaywan yallina kanchik.
Abya yala wankurimanta allpamanta,mujunkunamanta pakta yanaparishunchik chasnallatak wankurina kanchik neoliberal, capitalismo llakichimantamitsarinapak Estados Unidos mama llaktamanta.
Kay rimanakuypi wankurirkami Juan Tiney CLOC wankurimanta Guatemala mama llaktamanta, rimarkami chinbapuraywan katinami kanchik allpakuna ñukanchikpak kachun nishpa, waranka ayllukunami wañushka chikan,chikan llakikunamanta. pueblos indigenaspak mana tiyanchu kamachikuna pakta. Chasnapash charinchikmi kikin chaykunata,jambikunamanta,kawsaymanta, chaymi jatun charikkuna mana jawalla urmachinkuna ninmi.
Blanco Chancosa CONAIE wankurimanta riman tukuy pachapimi mama llaktata pushak apukuna muspachinkuna paykunapak yuyashkunawan chaymi wakchaya mirarishpa katin, pueblos indígenas jatun villakunaman rishpa llakikunata charin chasnapash mana wakllirishpa makanakushpa katin kanchik allpamanta,yachaymanta, shuktak paktakunapash tiyachun tukuy wakchakunapak, kay kutin allpamanta rimanchik shamuk pachakunaka yakumanta,muyokunamanta,yuyaykunamatapash allitami rimanakuna kanchik kawsayta charinkapak.
Mario Palacio CONACAMIwankurimanta rimanmi allpamanta rimankunaka achka allimi mikuyta, churayta,yachayta kuk kashkamanta, chayka achka unkuywanmi chay llakimanta mana mama llakta pushak apukunapish yanapanchu ashtawapish pakak ayllukunata shinami militares awkakunawan makachishpa llakichin nishpami riman.
Pueblos Indígenas Abya Yala wankuri allichimanka kichkiyarkunami: Ecuador ECUARUNARI- CONAIE man wankurishka markakunamanta, Perú CONACAMI, Chile Identidad Territorial Lafquenche, Bolivia CONAMAQ, Colombia ONIC, Venezuela pueblos indígenas shuktak mama llaktakunamanta ayllukunapish yallirkunami Venezuela mama llaktapak Caracas villapi.
Interpretación a Kichwa
Marcelo Tuabanda T.
|
