|
Humberto Cholango, ECUARUNARI/wankurita pushak Ecuador mama llaktamanta, shinallatik Abya Yala wankuripak pushakpish ninmi abya yala mama llaktakunapi indígenas ayllukunaka wankurinami kan jatun Tawantik Suyo mama llaktata charinkapak chaypak tukuy mama llaktakuna pakta yuyariwan wankurina kan.
Chaypakka tukuy ayllukunapak yuyaykunapish mushukyanami kayshina wankuriwan iskun chunka junuk wakchayayta allichi tukushun Chaytapash allikta yuyarinakuna.
Hugo Chávez shinallatak Evo Morales, pushak apukuna yuyarinapakmi kan Abya Yala shuk shinalla kachun, washa watakunamanta indígenas ayllukunapish ñami pushaykunapi wankurishkanchik chay paktaykunamanta kikin rimay, yachaykuna, jambikuna mama llaktapak pushay ukumanta kullkiwan pakta yanapashka kachun.
Nacionalidades indígenas ayllukunamanta mama llakta pushaypi mana tiyaymanta, makanakuy katin antiimperialista pushak mama llaktakunawan; indígenas ayllukuna pushaypi kaspa kikin yachaykuna, kikin llankaykuna paktami tiyanman tukuy Abya Yala llaktakunapi.
Chasnallatik Vladimir Paineicura identidad cultural mapuche Chile mama llaktamnta nin, mapuche ayllukunaka llakita charin, tukuy mama llaktapak tiyashkunata katushpa katikpi jatun charik apukunapak makiman mama llakta pushak. wakchakunata mana yanapan ashtawapish wakichina wasikunaman apashpa llakichin mama Kamachikpipish mana arinishka tiyan, chaymanta chile mama llaktapi mañakunchik kikin pushay tiyachun.
Shuyanchik Mushuk pushak Michel Bachelet kikin ayllukunapi yuyashpa llankachun ama ñawpa pushak apukuna shina tratado de libre comercio aspiwan yallishun shuktak mama llaktakunawan nishpalla purichun.
Tukuy minkakunapi mapuche ayllukuna yallishka ashtawanka warmikunami kikin yuyaymanta imashina pushana shuktak mama llaktakunawan,chasnalatik kikin mama llaktapipash riksichita churashkunañawpa y pushak apukunaman.
Kallari pushak ayllukuna wankuripi karka Martín Condori, Apu Mallcu CONAMAQ/ Bolivia mama llaktamanta kallaripi yanapan chasnallatak riksichin kay wankurika musiturak kan nishpa waranka iskun patsak iskun chunka kanchis watami kallarin, kay wankuri kallarinmi kikin pushay, yachay, kawsaytapish pakta pushankapak chaymanta kay kutinka shuyakunchik asamblea constituyente pushay yallichun.
Shuk ayllu brasil mama llaktamanta riman nishpa kay watakunakama indígenas ayllukunaka washamanrik sakishkami katin chikan chikan mama llakta apukuna mana imata tapunchu, brasil mama llaktapak tiyashkuna katurishpa katin yaku, yurakuna, allpakuna. chaymanta Mana wakchakuna puraka makanakunachu kanchik ashtawan llakichik mama llaktakunawan wankurishpa chimbapurana.
Kay paktaypi CONAIE wankurimanta, Vicente Pujupat tukuy nacionalidades indigenaspak shutipi napayta chayachin, achka kushikuywanmi kana kanchik wakchakunaka junuk, junuk ayllukunami tiyanchik kay pachapika, chasnallatak yupaychanchik Venezuela mama llaktapak pushak kay karayta kushkamanta.
Interpretación a Kichwa
Marcelo Tuabanda T
|
